یەکەمین دیداری نێودەوڵەتی سیستەمی بەڕێوەبردنی جۆری هەوڵێکی خەمخۆرانەی دەستەیەک لە کەسانی خاوەن ئەزموون و بڕوانامەیە کە بە پاڵپشتی کۆمپانیای برایت ڤیژن رێکی دەخەن بە ئامانجی یەکخستنی دیدگە نێوخۆیی و نێودەوڵەتیەکان لەسەر بەدەستهێنانی بڕوانامە و متمانەی نێودەوڵەتی بۆ پڕۆژە و کاری دامەزراوە و کارگە و بزنسە جۆراوجۆرەکانی هەردوو کەرتی گشتی و تایبەت لە هەرێمی کوردستانی عێراق. ئەم دیدارە دەستپێکی چالاکیەکی فراوانی ساڵانە دەبێت کە تێیدا بەربژێرێک لە کەسانی خاوەن پێگەی بەهێز و کاریگەر تێیدا بەشدار دەبن لە حکومەت و خاوەن دامەزراوەکان و لەنێوان هەر دوو دیدارێکدا، بەدواداچوونی بەردەواممان دەبێت بۆ ئاستی گەشەسەندنی کارەکان لە سایەی جێبەجێکردنی ستانداردە نێودەوڵەتیەکانی دانپێدانان چ وەک بڕوانامە یاخود بەخشینی متمانە.